ноутбугы ұлттық нақышта киім сататын кәсіпкердің серігіне қалай айналды?
ASUS
ExpertBook B5
ASUS компаниясының кәсіпкерлерге ыңғайлы ExpertBook B5 ноутбугы жасанды интеллект негізінде істейді, шағын немесе ірі кәсіпті емін-еркін басқаруға мүмкіндік беретін қызметтерді қамтиды. Алматылық жас кәсіпкер Тасқын Мырза ASUS-тың жаңа өнімін өз жұмысында бірнеше уақыт қолданып көріп, оның қаншалық қолайлы екенін айтып берді.
26 жастағы кәсіпкер Тасқын Мырзаның “Myrza brands” деген кәсібі бар. Ол қазақы нақыштағы заманауи киім сатады. Көбіне ерлерге арналған көкірекше, шапан, тақия, жейде, ал әйелдерге арналған киімдерді арнайы тапсырыс бойынша тігеді, жібек орамалдар жасап шығарады. Тасқынның өз дүкені, тіпті сол киімдерді тігетін арнайы цехі бар.
“Мамандығым бойынша оператормын. Жеті жыл кино саласында істедім. “Алмас Қылыш”, “Қазақ хандығы”, “Томирис” сияқты отандық, тарихи фильмдерді түсіргенімізде қазақтың салт-дәстүрлерімен, мәдениетімен, киім үлгісімен жақынырақ танысып, қызықтым. Сол кезде “Неге қазақтың осындай әдемі ұлттық киімдерін замануи стильмен үйлестіріп кимеске?!” деген ой келді. Пандемия кезінде барлық жоба тоқтап қалды, бәріміз үйде отырып, біраз ойлануға уақыт болды. Сол уақытта қазақы нақыштағы заманауи киімнің нарығын қайта жіті зерттедім. Сөйтіп ең бірінші көкірекшемізді тігіп көрдік”, – дейді кәсіпкер.
Тасқын Мырза
кәсіпкер
Тасқын Мырзаның айтуынша, қазір қазақы нақыштағы заманауи киімдерге сұраныс көп. Кейбірі той-томалаққа, енді біреулер күнделікті өмірде киюге алады екен. Бүгінде ол айына 1500-дей шапан сататынын айтады.
“Қазақ ер азаматының көбі ірі келеді. Оларға стандарт өлшемдегі шапанның көбі тура келе бермейтін: біріне жеңі қысқа болып қалса, енді біріне тар болатын. Содан өз цехімізді ашып, әр клиенттің өлшемін алып, тігіп, сатамыз деп шештік. Әрине, бұлай жұмыс істеу қиындау. Есесіне өнімдеріміз сапалы, соның арқасында тұрақты сатып алушыларымыз бар”, – дейді Тасқын Мырза.
кәсіпкер
Тасқын Мырза
Тасқын күні бойы кеңседе отыратын кәсіпкер емес. Кеңседе маркетинг және сату мамандарымен бірге істейді, кейін цехке барып, тігінші апайлардың жұмысын қадағалайды, қоймадағы дайын киімдерді реттейді. Оған қоса дүкенге барып, ол жақтағы процесті бақылайды. Қайда жүрсе де, әр жердегі жұмыстан хабардар болып отыруы керек. Сонымен қатар Тасқынның осы шапандарды сататын “Myrza brands” дүкенінің бірнеше нүктесі бар. Олар Алматыда, Астанада, Оралда орналасқан. Кәсіпкер басқа қаладағы дүкеннің жұмысын онлайн басқарып отырады. Кейде ол жаққа да барып қайтады. Осының бәрін ескеріп, Тасқын өзіне көлікте де, ұшақта да қолданғанға ыңғайлы, кез келген жерде арқалап жүре алатын жеңіл ноутбук керек екенін айтады.
ДИЗАЙН
Тасқынның кәсібін дөңгелетіп отырғанына екі жылдан асты. Алғашында бұл кәсіпті үшеуі ғана – өзі, інісі және әйелі бастаған. Қазір “Myrza brands-те” 60 адам қызмет етеді. Тасқын Мырзаның сөзінше, кәсібі жылдан-жылға дамып, үлкейіп келеді. Ол осы кәсібін дұрыс әрі оңай басқару үшін қуатты құрылғы керек екенін айтады. Сондықтан кәсіпкер ASUS ExpertBook B5 ноутбугын қуана-қуана сынап көрді. Тасқынның айтуынша, ASUS ExpertBook B5404 ноутбугының дизайны, түсі қымбат көрінеді.
“Мәселен, кейде әуежайда рейс күткенде уақыт жоғалтпас үшін жұмыс істеп отырамын. Әуежай жұмыс істегенге ыңғайлы орын емес. Ноутбукты тізеңе не кофехананың кішкентай үстеліне қойып отыруға тура келеді. Оған қоса қолыма қатты үлкен емес сөмке ұстаймын. Мұндай жағдайда ExpertBook B5 ыңғайлы болары сөзсіз. Өйткені ол жұқа, жеңіл”, – дейді ол.
“Ноутбуктың түсі бір қарағанда қара, енді бір қарағанда қою көк болып көрінеді. Оған қоса құрылғының корпусы күңгірт (матовый) екен. Кәсіпкерлердің стиліне жақын дер едім”, – дейді Тасқын.
ExpertBook B5 ноутбугының салмағы – 1,34 келі, қалыңдығы – 1,89 миллиметр.
Тасқын Мырза
кәсіпкер
нейропроцессоры, видеокартасы, жады және операциялық жүйесі
ASUS ExpertBook B5404 құрылғысының нейропроцессоры – Intel Core Ultra 7-ге дейін. “Нейро” деп бекер айтып жатқан жоқпыз, бұл ноутбук жасанды интеллект элементтері бойынша істейтінін білдіреді. Видеокартасы – Intel® Graphics. Жады – 64 Гб-ға дейін. Windows 11 және Windows 11 Pro операциялық жүйесі бойынша істейді.
“Кәсібімізді енді бастаған жылдары ескі, бұған дейін қолданылған ноутбуктарды сатып алып, сол арқылы жұмыс істедік. Бірақ бұл қызметкерлердің жұмысын тежейтінін байқадым. Себебі біз өнімімізді тек дүкенде емес, желі арқылы да сатамыз. Мысалы, бізге қазір әлеуметтік желіден күніне 400-500 хат келеді. Оларға тез әрі сапалы түрде жауап беруіміз керек. Ноутбук қатып, клиентке кеш жауап берсек, одан айырылып қаламыз. Сондықтан ноутбук – клиенттермен байланыстыратын негізгі құрал. Түнгі 00.00-ге дейін де байланыстамыз. Сол себепті процессоры мықты, жады көп құрылғы болғаны дұрыс”, – дейді кәсіпкер. 
Тасқын Мырза
кәсіпкер
Мәселен, бұл ноутбукта Copilot деген батырма бар. Кәсіпкер осы бір батырманы басып, 500 хабарламаның ішінен өзіне керегін немесе көзге көрінбей, құрылғының түбінде жатқан құжатты таба алады.
Тасқын Мырзаның айтуынша, олар көп тұтынушылармен тез әрі сапалы қарым-қатынас құру үшін арнайы бағдарламаларды қолданады. Ал мұндай бағдарламаны процессоры мықты ноутбуктар ғана “көтереді”.
“Қазір біз Bitrix деген жүйе бойынша істейміз. Бұл жүйе күніне түрлі желі арқылы келетін хабарламаларды дұрыс қабылдауға, өңдеуге мүмкіндік береді. Бұл – ауыр бағдарлама. Ол жақсы істеуі үшін ноутбук қуатты әрі интернеті жақсы болуы керек. ASUS ExpertBook B5 ноутбугы арқылы ең әуелі осы бағдарламаны қосып көрдік. Мен де, қызметкерлерім де қолданып көрді. Қатпай, жақсы істеді”, – дейді кәсіпкер. 
Тасқын Мырза
кәсіпкер
ЭКРАНЫ
ASUS ExpertBook B5404-тің – 14 дюйм, сенсор емес, бірақ күңгірт етіп жасалған. Жиілігі – 120 Гц. Жарығы – 500 кд/м2. Экраны корпустың 84%-ын алып отыр. Түс гаммасы – 100% DCI-P3. Бұл экрандағы бейнені кез келген жерде, мысалы, көшеде, терезелері үлкен, өте жарық кеңседе де анық көрсетуге мүмкіндік береді, даладаның жарығы ноутбуктың экранымен қатты шағылысып кетпейді. Экрандағы фотолар да, видеолар да және тағы басқа кескіндер де нақты көрінеді. Тасқын Мырза олардың жұмысында ноутбуктың экранының түстерді өзгертпей, анық көрсеткені маңызды екенін айтады.
“Біздің командамызда дизайнерлер, фотографтар бар. Дизайнерлер авторлық шапандарының эскизін сызады, шапанға ойылатын әр ою-өрнектің суретін салады. Кейін маған жібереді. Дизайнерлер әдетте мықты ноутбук қолданады. Ал менің құрылғымның экраны әлсіз болса, түстерін дұрыс аңғармай қалуы мүмкін. Сосын ертең мүлдем басқа түстегі шапан шығып қалуы мүмкін. Оған қоса фотографтар дайын шапандарды суретке түсіреді, кейін оны жарнамалап желіге жариялайды. Фотографтар сурет сапалы әрі әдемі көрінуі үшін оны өңдейді. Кейде өңдеп жатып, суретте шапанның түсі басқаша болып кетуі мүмкін. Мұны дер кезінде байқамасаң, ертең оны сатып алатын адаммен арада кикілжің туындап қалуы мүмкін. Шетелден де маталарға онлайн тапсырыс береміз. Дәл осы жағынан маған ASUS ExpertBook B5 ұнады. Ол ақты ақ, қараны қара етіп көрсетеді екен”, – дейді кәсіпкер.
Тасқын Мырза
кәсіпкер
Тасқынға ноутбуктың 180 градусқа ашылатыны ұнаған. Ол жатып жұмыс істейтін адамдардың қатарынан емес, бірақ әріптестерімен жұмысты ортақ талқылағанда ноутбукты кітапша не планшет сияқты жайып қойған ыңғайлы екенін айтады.
Ал Nano Edge жақтауының арқасында құрылғы дисплейі шағын болса да, шексіз сияқты көрінеді.  
ASUS Business шешімдері
Кәсібі өсіп келе жатқан Тасқын Мырза сияқты кәсіпкерге ASUS ExpertBook B5404 ноутбугы тиімді. Өйткені компания кәсіпкерлердің қызметін жеңілдететін ASUS Business шешімдерін қарастырып қойған. Мәселен, ол жүздеген клиентпен байланысуға, мыңдаған деректерді тез өңдеуге, ақпараттарды қауіпсіз сақтауға, онлайн басқаруға мүмкіндік береді.
“ASUS Business Manager ІТ-процестерді басқаруды жеңілдетеді екен. ASUS Control Center арқылы дүкендегі, кеңседегі барлық құрылғылардың қаншалық істеп тұрғанын бақылауға болады”, – дейді Тасқын Мырза. 
Тасқын Мырза
кәсіпкер
Камерасы
Тасқын Мырза кәсібінен бөлек, менеджмент бойынша Zoom арқылы онлайн-сабақ өтеді. Ол үшін де оған ноутбук қажет. Оның сөзінше, жасанды интеллект элементтерінің арқасында ASUS компаниясының жаңа өнімінің камерасы бейнені әдеттегіден сапалырақ етіп көрсетеді. Фокусты да дұрыс ұстайды және артық шу дыбысты алып тастайды. Оған қоса камераның арнайы жапқышы да бар. Қауіпсіздігі үшін алаңдайтындарға бөлек жапқыш сатып алудың керегі жоқ. 
Қауіпсіздігі
Кәсіпкердің ноутбугының қауіпсіздігі мықты болуы керек. Себебі онда тек өзінің жеке деректері емес, кәсібінің барлық құжаттары, жұмысына қатысты деректері сақталады. ASUS компаниясы мұны ескеріп, ExpertBook B5 құрылғысының қауіпсіздігін барынша берік еткен. Мәселен, ноутбуктың өзін иесінің саусақ ізі немесе бет-әлпеті арқылы ашылатын етуге болады. Оған қоса Kensington Nano құлып ұясының арқасында құрылғының ұрланып кетуінен қорғайды. Ал смарт-карт ноутбуктың киберқауіпсіздігін арттырады. TPM (Trusted Platform Module) құпия сөздер мен шифр кілттерін қауіпсіз түрде сақтайды. Бұл құпия ақпаратпен жұмыс істегенде немесе деректеріңіздің қауіпсіздігін қамтамасыз етуге көмектеседі.
Жалғағыштары
Ноутбуктың бірнеше жалғағышы бар: екі Thunderbolt 4 USB-C жалғағыш, HDMI 2.1 және USB-A 3.2 жалғағыш.
Пернетақтасы мен тачпады
Тасқын Мырзаның айтуынша, ASUS ExpertBook B5 ноутбугының пернетақталары жанып тұрады, саусаққа да жағымды, қазақша қаріптері де бар. Мәтін тергенде дыбысы қатты шықпайды. Суға төзімді, яғни байқаусызда аз мөлшерде су тиіп кетсе де, ноутбукқа ештеңе болмайды. Тачпады да сезімтал, жақсы істейді.
ASUS ExpertBook B5 ноутбугы әскери өнеркәсіпте қолданылатын MIL-STD-810H стандартына сәйкес сыналған. Ол құрылғының қалыпты жұмыс жағдайында — кеңседе, далада немесе Тасқынның қоймасы немесе цехі сияқты сәл шаң-тозаң жерде де қауіпсіз әрі берік болатынына кепіл береді.
“Қазір көп ноутбукта интернет роутерін тікелей ноутбукқа жалғайтын жалғағаштың жоқ екенін байқадым. Ал ASUS ExpertBook B5 құрылғысында бар екен. Ал ноутбукқа роутерді тікелей қоссаң, интернет жақсы істейді. Оған қоса кеңсемізде бірнеше кабинет бар. Қай бөлмеде отырсаңыз да, ортада қабырға сияқты кедергі тұрса да, Wi-Fi жақсы істеді”, – дейді Тасқын Мырза. 
Тасқын Мырза
кәсіпкер
Қуаттағышы
ASUS ExpertBook B5 ноутбугының батареясы – сағатына 63 Ватт. Оның қуаты 18 сағатқа дейін жетеді. Бұл құрылғыны толық жұмыс күні және одан кейінгі уақытта да еш алаңсыз қолдануға болады деген сөз. Ноутбуктың қуаты бітсе, қуаттағышы оны 49 минутта 60%-ға дейін толтырып береді.
“Қазір көп құрылғы Type-C түріне көшіп жатыр. Бұл ноутбуктың да қуаттағышы сондай екен. Меніңше, дұрыс шешім. Қуаттағышты ұмытып кеткен жағдайда бұрынғы ноутбуктардыкіне қарағанда Type-C жалғағыш табу жеңілірек. Қуаты да ұзаққа жетеді екен. Әуежай сияқты жерде отырғанда өшіп қалып, келеңсіз жағдайда қалмайсың”, – дейді Тасқын Мырза. 
Тасқын Мырза
кәсіпкер
Қорытындыласақ, ASUS Expertbook B5 ноутбугы "Myrza Brands" бизнесін басқаратын Тасқын Мырза үшін тамаша көмекші болды. Қуатты процессорымен, жарық экранымен және ұзаққа жететін қуатымен ол кәсіпкердің жұмысын едәуір жақсартты. Жеңіл және жұқа ноутбук оған кеңседе де, әуежайда да, көлікте де, тіпті тігін цехінде де жұмыс істеуге мүмкіндік берді. Expertbook B5 тиімді мүмкіндіктерімен бизнесін дұрыс басқаруға шешімдер ұсына алды. 
Stan.kz Ақпарат Агенттігі
Барлық құқықтары қорғалған