Қазір студенттер арасында сабақ оқуға, түрлі тапсырманы орындауға, ойын ойнап сергуге, ал каникулда қосымша табыс табу үшін жұмыс істеуге мүмкіндік беретін ноутбуктар сұранысқа ие. Әсіресе, олар құрылғыда NVIDIA GeForce RTX 40 видеокартасының болғанын құп көреді, себебі олар ноутбукты одан әрі қуатты етеді және көп мүмкіндікке ие. Осындай құрылғының бірі – ASUS ROG Zephyrus G16. Stan.kz агенттігі ноутбуктың ішкі функцияларын шолып, оның басқалардан несімен ерекше екенін қарап шықты.

студенттер мен шығармашыл мамандарға арналған универсал ноутбук

ASUS ROG Zephyrus G16:

Сабаққа да, жұмысқа да, ойынға да қолданатын универсал ноутбук іздеп жүрсеңіз, бұл мақала сізге қызық болуы мүмкін. Себебі ASUS-тың ROG Zephyrus G16 ноутбугы дәл осы сипаттамаға сай келіп тұр. Ең әуелі құрылғының заманауи дизайны көзге түседі. Ноутбук шығармашыл жұмыс пен ойынға арналған. Бірақ өзі әдеттегі ойын ноубуктарына ұқсамайды: дизайны ерекше, жип-жинақы, артық бөліктері жоқ.

Қанша жұмыс істесең де, оның жылдамдығы азаймайды

Көбіміз студент болдық. Жастықтың ең қызық шағында жалқаулық басып, оқытушылардың берген тапсырмасын уақытылы орындамаған кезіміз көп болды. Бұл – студенттердің басынан өтетін қалыпты жағдай. Кейін дедлайн таяғанда асығып-үсігіп, бар тапсырманы үйіп-төгіп бір мезетте орындауға тырысады. Осындай сәтте студенттерге қатпайтын, жылдам істейтін, процессоры қуатты, жады көп ноутбук қажет. ROG Zephyrus G16 ноутбугының оператив жады – 32 Гб-ға дейін. Windows 11 Pro операциялық жүйесі бойынша істейді. Ішкі жады – 4 Тб-ға дейін. Процессоры – AMD Ryzen™ AI 9 HX 370 және видеокартасы – NVIDIA GeForce RTX 4070. Бұл құрылғы студентке түрлі қиын тапсырманы орындауға, ауыр бағдарламалар арқылы контент жасауға, деректерді талдауға мүмкіндік береді. Ең ұтымдысы – адам ноутбук арқылы қанша жұмыс істесе де, сипаттамасының арқасында құрылғының жылдамдығы азаймайды. Оған қоса бұл ноутбукқа жасанды интеллект элементтері қосылған. Соның арқасында студент тапсырмаларды тез орындай алады.

“Жип-жинақы әрі сәнді”: алғашқы әсер 

Қалыңдығы – 1,49 миллиметр, салмағы – 1,89 келі. Ойын ойнайтын әрі ауыр бағдарламалар жүктелетін құрылғы үшін әжептәуір жеңіл. Ноутбуктың корпусында диагональ болып тұрған сызығы оны ерекшелеп тұр. Оны кез келген жерге қысылмай әрі қиналмай көтеріп баруға болады.

Мысалы, Stable Diffusion Automatic1111 құралы арқылы мәтінді суретке айналдырғысы келсе, видеокартасы ақпаратты тез өңдеуге көмектеседі. Суреттің әр бөлігіне жіті мән беретін күрделі кескінді сұраса да, барынша жылдам істеп береді. Ал Adobe Premiere Pro және DaVinci Resolve сияқты видеоредакторды қолданса, өте сапалы видеоның өзін тез өңдеуге көмектеседі.

ROG Zephyrus G16-ға орнатылған NVIDIA GeForce RTX 4070 видеокартасына ерекше назар аударған жөн. Себебі бұл қуатты видеокартасы бар ноутбуктар студенттерге, әсіресе графикамен, дизайнмен, 3D-модельмен жұмыс істейтіндерге ыңғайлы. Себебі оның RTX технологиясының арқасында құрылғы суреттерді, ондағы сәулені, жарықты, көлеңкені дұрыс бейнелейді.

NVIDIA GeForce RTX 4070 видеокартасының шығармашылықтағы мүмкіндігі

Мысалы, сіз архитектура немесе дизайн мамандығын оқып жүрген студентсіз. Болашақта салынатын бір ғимараттың 3D-моделін немесе анимациясын жасайсыз делік. NVIDIA GeForce RTX 4070 видеокартасының мүмкіндігімен ноутбук экранынан ғимараттың шын өмірде көлеңкесі, жарығы қалай түсіп тұратынын графикалық картасының көмегімен көре аласыз. Бұл ноутбукпен Blender және V-Ray 5 сияқты бағдарламаларды еркін қолданып, жылдам рендеринг жасауға болады. Оған қоса бұл құрылғы арқылы фото, видеодан бастап, авторлық ойындарды да әзірлеуге мүмкіндік бар.

Айтпақшы, NVIDIA app қолданбасы жасанды интеллектке негізделген сүзгілермен жабдықталған. Ол бейне мен ойындардағы кескінді HDR сапаға дейін жақсартуға көмектеседі. Бұл ойындарда да, дизайнда да ыңғайлы. Сондай-ақ NVIDIA Omniverse және RTX Remix ойындарға шын сияқты анимациялар мен кейіпкерлер жасауға мүмкіндік береді.

Оған қоса STEM-қолданбалар NVIDIA GeForce RTX 40 видеокартасы орнатылған ноутбуктарда басқа баламаларға қарағанда тез жұмыс істейді. Мұның арқасында студенттер өзінің курстық жұмысын лезде орындай алады.

Шығармашыл адам да, студент те шаршап, ойын арқылы миын тынықтырғысы келеді. Ал ROG Zephyrus G16 сатып алған адамға компьютер клубына барып жүрудің еш қажеті жоқ. Себебі дәл осы құрылғы арқылы “ауыр ойындарды” ойнай алады. Ал NVIDIA GeForce RTX 4070 видеокартасының арқасында қолданушы әр ойынның өз ерекшелігін сезініп, сол ойынның әлеміне еніп кетеді. Мәселен, ROG Zephyrus G16 ноутбугымен Star Wars: Outlaws, Alan Wake 2, Cyberpunk 2077, Counter-Strike 2, Dota 2 сияқты ойындарды ойнауға болады.

Видеокартаның RTX пен DLSS3 технологиясының арқасында құдды бір ойынның ішінде жүргендей боласың. Себебі ойын кейіпкерлері, ондағы тау-тас, су, құбыжықтар, айнала, қоршаған қараңғы атмосфера шын өмірдегідей анық, тұнық көрінеді. Оған қоса ойынның ауыр екеніне қарамастан, ондағы кейіпкерлер мен көліктер қатпай, біркелкі (плавно) қозғалады.

NVIDIA GeForce RTX 4070 ойын әлеміндегі мүмкіндігі

ASUS-тың ROG Zephyrus G16 ноутбугының экраны – 16 дюйм. Дисплейі ROG Nebula OLED технологиясы бойынша жасалған. Жиілігі – 240 Гц. Түс гаммасы – 100% DCI-P3, NVIDIA® G-SYNC®. Бейнені 2,5К сапада көрсетеді. Мұндай құрылғы визуал өнермен, графикалық дизайнмен, видеомонтажбен айналысатын студенттерге не мамандарға ыңғайлы. Себебі олардың жасаған контенті экранда өте қанық көрінеді. Соның арқасында шығармашыл студент не маман контраст, түске қатысты еш алаңдамай, жұмысы жеңілдейді. Студент экраннан өзінің жұмысының қандай болып шығатынын дәл көріп, рахаттанып отырады.

Желдеткіші

Экраны

ROG Zephyrus G16 ноутбугының үш желдеткіші бар. Біріншіден, желдеткіштер құрылғыдағы ыстық ауаны дер кезінде сыртқа шығарып отырады. Соның арқасында ұзақ уақыт ойын ойнасаңыз да немесе “ауыр” бағдарламалар арқылы жоба жасасаңыз да, ноутбук қызып кетпейді. Екіншіден, желдеткіштер бірнеше режимде істейді. Фильм көріп, музыка тыңдап, интернеттен жай ғана ақпарат оқысаңыз, ноутбук желдеткіші кәдімгі режимге көшіп, қатты дыбыс шығарып, мазаңызды алмайды. Ал ойын ойнағанда, құрылғыға “салмақ түскенде” желдеткіш айналады, десе де, дыбысы аса қатты шыға қоймайды. Үшіншіден, желдеткіштер өте сапалы материалдан жасалған. Сондықтан олар ұзақ уақыт жарамды, сәйкесінше ноутбукты да ұзақ қолдана аласыз деген сөз.

Құрылғыға жиналатын шаң-тозаң желдеткіштің жұмысына кедергі келтіруі мүмкін. Сол себепті компания ноутбукқа шаң-тозаңды жинайтын сүзгі орнатыпты. Бұл – өте ұтымды шешім. 

Дыбысы мен
пернетақтасы

ROG Zephyrus G16 құрылғысының дыбысы Dolby Atmos технологиясының арқасында қатты шығады. Бұл ойынның вайбын сезінуге, видеомонтаж кезінде артық, қажетсіз шуды алып тастауға көмектеседі.
Ал пернетақтасы жанып тұрады. Ол да бір өзінше атмосфера сыйлайды.

ASUS-тың ROG Zephyrus G16-cын қазіргі заманның талабына сай универсал ноутбук деп атауға болады. Өйткені оның көмегімен жұмыс істеуге, креатив контенттер дайындауға, қиын әрі ауыр ойындарды ойнауға, ауыр бағдарламалар арқылы жұмыс істеп, деректерді талдауға болады. Ал мұның бәрін істеуге оның AMD Ryzen™ AI 9 HX 370 процессоры, NVIDIA GeForce RTX 4070 видеокартасы, мықты желдеткіші және ROG Nebula OLED технологиясы бойынша жасалған экраны мүмкіндік береді.

Барлық құқықтары қорғалған